police samoa

Sauaina se tinā i le faaiuga o le vaiaso

Ua molia nei se tinā ma ona alo tamaitai e toalua i le faia o le faaoolima i se tinā talavou lea o loo faamautū nei i le nofoaga o le Toomaga mo e Puapuagatia i Tuanaimato ma lana fanau toatolu ina ua sauaina ma ua aafia ona foliga ini solouli ma ni manu’a. 

O le ata o le tina na salalau i luga o le Facebook e se aiga tuaoi na faia le galuega lavea’i mo ia ma logo mulimuli ai Leoleo. Faaalia e le faalapotopotoga o le itula segisegi o le Aso Sa na te’a nei na faavave atu ai le galuega laveai a le toomaga ma auina atu le tina ma ona alo i le nofoaga i le Sakura House ua faapitoa lea mo tagata ua sauaina ma faamautu ai mo le taimi nei a’o faagasolo suesuega a leoleo. 

Na auina foi le tina ma le fanau e to’atolu i le falemai mo siaki faafomai ona o aafiaga a le tina i sauaga faaoolima ua aafia ai. O le taimi nei e to’a 70 i latou o loo faamautū i le nofoaga lava lea talu mai Mati na tapunia ai le atunuu ina ua mama i tua le faama’i Koviti-19. 

O nisi o fanau na vaaia e le Toomaga i lea nofoaga ua toe foi i o latou aiga ina ua saogalemu nisi o latou aiga ma matua mai aafiaga o le faama’i i latou ia o loo vaaia ma tausia. 

Ae mo lea tinā na faatino iai le galuega fesoasoani a le toomaga i le Aso Sa e le gata o loo faia suesuega a leoleo i le mafuaaga na sauaina ai ae o loo faia foi se sailiiliga faalotoifale a leoleo i se faaseā ua oo atu e faapea na valaau e le aiga tuaoi leoleo i le po o le Aso Toanai mo se fesoaosani ae tali leoleo seia aulia le Aso Sa na sosoo ai. 

Scroll to Top

Keep uptodate with Radio Samoa activity & promotion

* indicates required