Ua mae’a Taaloga a le Pasefika i lenei tausaga e pei ona faataunuuina i Solomona, ma ua saofai mai ai nei Samoa i le tulaga fā o le faasologa o atunuu sa auai i taaloga. 

O New Caledonia o loo seei mai i le tulaga muamua e 82 pine auro, 57 pine siliva ma le 58 pine apamemema, aofaiga o pine e 197. 

O Tahiti i le tulaga lua e 57 pine auro, 53 pine siliva ma le 50 pine apamemea, aofaiga o pine e 160. 

O Ausetalia i le tulaga tolu e 50 pine auro, 24 pine siliva ma le 10 pine apamemea, aofaiga o pine e 84. 

O Samoa i le tulaga fā e 34 pine auro, 21 pine siliva ma le 21 pine apamemea, aofaiga o pine e 76. 

Ma o loo saofai mai Samoa i se tulaga lelei o le faasologa o atunuu taitasi sa tausinio i Taaloga a le Pasefika, pe a faatusatusa i isi atunuu tetele o le Pasefika ma ana autaaalo. 

O pine auro a Samoa sa maua mai lea i lana au sisii uamea mamafa na maua ai pine auro e 15, tuuga aau 4 latou pine aurao, faaaliga tino e 4 latou pine auro, table tennis 2 pine auro, lakapi liki 1 le pine auro, togi pulu mamafa 1 le pine auro, aloga vaa 500metres 1 le pine auro, power lifting 2 pine auro, togi  le pulu mafolafola 1 le auro ma le lakapi pa’i a alii ma tamaitai ma le au fefiloi e 3 pine auro sa maua ai. 

O pine siliva, e 2 pine siliva sa maua i le au aau, 9 pine siliva sa maua i le au siisii, 1 na maua i le taitoafitu a Samoa, 1 na maua i le faaaliga tino, 1 na maua i le au alovaa (vaa V1 5metre) 4 pine na maua i le kayak k1 500meteres, 1 le pine na maua i le fusuaga, 1 na maua i le table tennis ma le isi pine e 1 na maua i le alovaa.