Ua lipotia o lea na saisai uma mai e leoleo sui o le kegi a le Comancheros i Kalaiesetete.
O i latou uma nei i Kalaisetete, ma o lea foi na maua mai ai ma le 11 laau malosi, o ututau, tusa ma le $250,000 tupe faapea le tusa ma le 5kg o fualaau faasāina.
E to’a 21 i latou na aumai faamalosi e leoleo ma o sui uma foi ia o le kegi i Kalaisetete ma mai tagata suesue o se galuega tele lea ma e lē manatua foi le taimi muamua na tupu ai se mea faapea, o le maua uma mai o sui o se kegi.
O le Comancheros i Kalaiesetete o i latou nei na taula’i iai suesuega a leoleo ona o le vave ona sosolo i le atunuuu atoa o le tele o faiga faasolitulafono e feta’ua’ina ai le kegi.
E talitonu leoleo o le uma mai ai o sui o le Comancheros ua o se avanoa ua tuta’ia ai le sapalai o fualaau faasāina, peitai fai mai nisi o tagata suesue e ono lē telē se aafiaga o le sapalai o fualaau faasāina ona o le saisai uma ai o sui o lea kegi.
Puna o Faamatalaga: https://www.1news.co.nz/2024/08/29/mass-comancheros-arrests-blows-huge-hole-in-gang-criminologist/
