Search
Search
Photo Credit: Government of Samoa

Sainigalima o le Miliona lona 2, o le poloketi o Atinae mo Itumalo

O le taeao nei, Aso Tofi, 29 Fepuari 2024, na faatautaia ai i le Maota o Tooa Salamasina i Sogi, le sauniga o le sainigalima a le Malo o Samoa ma Fono Faavae a Itumalo e 3 mai Upolu ma Savaii mo le Poloketi o Atinae o Itumalo. 

1. Vaisigano 1

2. Satupaitea

3. Faasaleleaga 1

I le mae’a ai o iloiloga o ripoti a suetusi i le faaogaina o le $1,000,000 muamua, ua pasia aloaia ai e le Komiti Faafoe (Steering Committee) i lana fonotaga i le aso 27 Fepuari 2024, le faasainiina o maliliega mo le miliona lona lua (FY 2023-2024) ma le faamatuuina atu o le $160,000 (16%) mo le faagaioiina o Ofisa o Fono Faavae a Itumalo.

O afioga i Faipule, Sui Taitaifono ma Failautusi, o Fono Faavae, na fai ma sui o Fono Faavae o Itumalo uma e 3 e faatinoina le sainigalima.

Na saunoa le Afioga Mulipola Anarosa Ale Molioo e fai ma fofoga o le Malo, e faafetaia le onosaia ma le lava papale o Fono Faavae a o faagasolo faatinoga e tatau ona faatino ma momoli le finagalo o le Malo e faamalosiau ma fautua i Fono Faavae a Itumalo uma ina ia tutu faatasi e lagolagosua i Taitaifono mo le faatinoga o lenei poloketi tāua.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required