Search
Photo Credit: RNZ

Sainia le maliega o puipuiga i le va o Ausetalia ma Papua Niu Kini

Ua mae’a sainia le maliega o puipuiga i le va o Ausetalia ma Papua Niu Kini.

O maliega nei o le a saga faaopoopo ai leoleoga i Papua Niu Kini faapea ai le militeli ma o se faiga ua faafaigofie ai nei ona fesoasoani Ausetalia ia Papua ma ona manaoga e tusa ma molimau a le Palemia o Ausetalia, Anthony Albanese.

O loo sau i lalo o aiaiga o le maliega ua sainia nei o le a fetalanoaa’i malo nei e lua pe a iai se taimi e lamatia ai le filemu i totonu o le Pasefika po ua osofaia foi, atoa ma le fefaasoaa’i o faamatalaga.

E ese le maliega na sainia ananafi a Papua ma Ausetalia, ese le isi lea na saini i le va o Papua ma le malo tele o Amerika i le masina o Me lea na faia faapitoa e faaleleia atili ai nofoaga o loo faamautu ai le militeli.

Saunoaga a Palemia uma o malo e lua a o iai i le sainiga o lea feagaiga, ua atagia mai ai le vavalalata o faigamalo e lua.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required