E faitau selau tagata i West Auckland ua o latou sainia se petition ua valaau ai i le malo mo se polokalame o le retreat programme e faatupe e le malo ma ua silia ma le 630 ua mae’a sainia lea petition.
Na amata mai i le Aso Toonai talu ai i se fonotaga faalauaitele na faia sa faatumulia ai le Tirimoana School Hall ina ua fono le kulupu e faaigoaina o le, West Auckland is flooding.
Fai mai e toaono faipule, toalua sui o le Local Board ma sui sinia e toalua o le Council sa auai ai i lea fonotaga toeitiiti 200 tagata na iai, ma sa faamatala ai e tagata tulaga o iai o latou fale mai lologa ma nisi ua le toe mafai ona nonofo i o latou fale.
E toatele na faaleo ai faafitauli ua feagai nei ma latou ma iu ai ina taunuu i le faaiuga e pei ona iai le petition lea e valaau ai mo le faia o se nofoaga e malolo iai ae puleaina lelei, managed retreat aemaise o le talosagaina o le faatumauina o le lelei o alavai ma ālia.
O le isi o latou manaoga o le talosagaina lea o se paketi tau tupe mo i latou e umia fale ma tagata ua leai o latou fale ae ua aumau mautotogi ona o le faaletonu i o latou fale.
