Ua sainia e le Kapeneta se isi paketi fesoasoani faaopoopo e silia ma le 7 miliona mo le Ruapehu Alpine Lifts poo le RAL lea na feagai ma faigata i le tausaga talu ai lipotia e 45 miliona ana aitalafu mafua i le vaitaimi o le lockdown o le koviti atoa ai ma le lē lelei o tulaga faapisinisi i le vaitau mo faaseega, ski season.
Saunoa le minisita mo atinae i nofoaga maotua, Kieran McAnulty, ua faia le faaiuga lea a le Kapeneta i le amataga o le vaiaso nei e tuuina atu ai le 7.35 miliona i le RAL e faaauau ai le faatinoina o lana auaunaga seia oo ia Mati o le 2024.
O le amataga o le tausaga nei na folafola ai e le Malo e oo atu i le 5 miliona e faamatuu atu i liquidators e faamautinoa ai e faaauau pea ona faagaioia i le ski season o le tausaga nei.
