Ua tuuina mai se talosaga faavavave a leoleo i le lautele o le atunuu i le fia maua o se fesoasoani i le sailia o se masaga pepe i Niu Sa Uelese ua lua nei aso o tau sailia. 

Fai mai le alaata 7, e tolu masina le matutua o le masaga, o le tama ma le teine na mulimuli vaaia ma nisi o o la aiga e talavou i Victoria St i Grafton i le aoauli o le Aso Gafua o le vaiaso nei.

E talitonuina o le masaga na malaga atu ma talavou ia e pei ona ta’ua i le faamatalaga a leoleo.

O loo talosagaina ai e leoleo le fesoasoani a le atunuu ona o popolega i le saogalemu o nai nei fanau.

Fai mai o ni apoliki ma Torres Strait Island o la tupuaga ma o loo talosagaina leoleo i se isi na te silafia ni faamatalaga i le masaga ma o la tei talavou e toalua o loo ta’ua ina ia fesootai ane i le ofisa pe valaau foi le crimestoppers i le 1800 333 000.

O o la igoa o Lekaun ma Lenikawa Hippi.