Na faapopoleina nisi na vaaia le lanu mūmū o le bay poo se vaega o le sami aga’i i le uafu i Sini i le taeao ananafi.
O Careening Cove e faaigoa ai lea faaitu e i autafa ane o Milson Park i Kirribilli i le aai i Sini ma na vaaia ua suia le lanu i le mūmū ma faia ai loa su’esu’ega.
Fai mai le Council o loo latou iloaina le vai lanu mūmū o loo tafe ane aga’i i le Harbour mai Milson Park ma ua aga’i iai le aufaigaluega e su’esu’e ae latou te le’i maua pe silafia le mafuaaga ua lanu mūmū ai le suasami.
Ua mae’a ona lipotia i le EPA poo le vaega e feagai ma tulaga faapea i le siosiomaga ma ua faailoa e lē taumate e mafua mai i le vali a palama, plumbers dye, e ui e faafefe tagata i le lanu ae o loo saogalemu ma e lē o iai ni aafiaga lē lelei.
O loo faatino la le su’esu’ega a le EPA ma ua ta’ua e le sooupu o loo faagasolo le su’esu’ega.
O le vaega lava foi lea e tasi, Careening Cove na talanoa ai foi tagata ina ua vaaia ua lanu meamata sesega i le masina o Setema.
Puna o Faamatalaga: https://www.9news.com.au/national/sydney-harbour-careening-cove-mysteriously-turns-red/2272a542-26c5-498e-a1fb-74fe0b529bb0
