O loo fia maua e leoleo se fesoasoani mai le atunuu i le suesuega o loo faagasolo nei i se vesiga na tulai mai i se alatele i Aukilani ua manunu’a ai tagata e toalua.
O le faalavelave i luga o le North Western Motorway na tupu i le afiafi o le Aso Gafua poo le te’a o le ‘afa o le 6 e pei ona ta’ua e leoleo.
O taavale e lua o se van ma le isi taavale fai mai le lipoti na tulai mai ai se feeseesea’iga i tagata sa i totonu o ia taavale ma pa’ilima ai.
Na vave ona agai ese mai i latou ia mai le vaega sa vevesi ai e pei ona faailoa e le One News ae mulimuli ane agai atu i le falemai e ogaoga manu’aga.
Fai mai ua mae’a ona talanoa iai leoleo ae na o latou faailoa i le lipoti o loo fia maua nisi o tagata sa silafia lenei faalavelave ina ia fesoota’i ane ae lē gata foi lea o meapueata o taavale sa agai atu i lea faaitu e ono maua ai nisi faamatalaga e tusa o lenei faalavelave.
Puna o Faamatalaga: https://www.1news.co.nz/2024/07/25/two-people-seriously-injured-in-auckland-road-rage-fight
