Ua te’a i tua mai le maota gasegase le Tamā Paia, Pope Francis ma ua lipotia sa vaaia i le faamalama o lona potu sa taofia ai i le falema’i i Roma o fai ane lana faamanuia mo le ulua’i taimi talu ona taofia i le aso 14 o Fepuari.
Ua ta’ua i lipoti a le BBC o se faamatalaga mai foma’i e tatau ona mālōlō mo se taimi e lē itiiti mai i le lua masina ma tatau ona mālōlō i le Vatikano.
Ua faailoa foi e foma’i i le lipoti e lē o toe aafia i le pneumonia Pope Francis ma e ui e le’i atoatoa le malosi ae o le a mafai lava ona toe foi i ana galuega e masani ai pe a faaauau pea ona sologa lelei lana faigamālōlōga.
Fai mai le Pulenuu o Roma, Roberto Gualtieri o le Tamā Paia o se meaalofa i lo latou aai ma le lalolagi ma latou te matua’i lagolago ia te ia.
Puna o Faamatalaga: https://www.bbc.com/news/articles/crrdv84rg4do
