O le toe iloiloina e se komiti filifilia a le Malo o aiaiga o loo fili ai tagata mai Samoa mo avanoa i galuega faavaitaimi, ua faaalia e le taitai o le Malo le afioga i le tamaitai Palemia, o le faaiuga o le masina o Aukuso ua mavae atu nei e oo atu ai le lipoti a lea komiti i luma o le kapeneta.

Ua faailoa ai e le Palemia le afioga Fiame Naomi Mataafa, ua iai popolega o le Malo i le polokalame ona ua afaina ai ma le lotoifale o galuega i Samoa, i le fili ai ma ē o loo iai agavaa aoaoina i auaunaga e pei o le atiina’e o tagata tafafao.

Ua lipotia talu ai nei le tuua o le atunuu e tagata faigaluega faavaitaimi i se faiga ua le tausisia ai le maua muamua o le ioega a le kapeneta a o tālia le lipoti a le komiti o loo toe iloiloina le faiga o loo saili ai tagata e malaga mo ia galuega i Niu Sila ma Ausetalia, peitai ua faamautu mai e le taitai o le Malo e le o taofia le malaga o tagata mai lo tatou atunuu mo ia galuega. 

Le afioga i le Tamaitai Palemia, Fiame Naomi Mataafa.