Ua polomisi mai le Labour e na te totogia mai le Paid Partner’s Leave policy mo le 4 vaiaso, poo le tupe lea mo paaga poo taitoalua i taimi e maua ai le pepe fou.
I le taimi nei o lea e 2 vaiaso o loo agavaa ai taitoalua i livi e le totogia, peitai o le polomisi ua faailoa mai a le Labour o le totogi ai le 4 vaiaso o livi.
O se faiga fou e faia auaua’i mai le aso muamua o Iulai i le tausaga fou ma mai le Palemia Chris Hipkins o le a fesoasoani ai i mātua o le pepe fou i taimi faatoa maua ai le tamaitiiti.
O le polomisi lenei ua toe upuia ai e le vaega a le National le malo ma ana polokiki, o lea faatoa lua vaiaso talu ai na teena ai e le Labour le pili na faaofi mai e le sui o le National e faataga ai ona fefaasoaa’i aso livi i le va o mātua a o lea ua sau ma lana Paid Partner’s policy.
O le uluai faitauga o le pili a le National na poloka ai e le Labour, ma e na o ia foi e na te lei lagolagoina, a o lea na ioe uma iai isi pati.
