O se faalavelave tau taavale i luga o le State Highway 1 i Aukilani na matuai poloka ai le alatele i le malaga mai i Drury i Manurewa i le taeao analeila.
Fai mai o le faalavelave na tupu e lata i Orams Rd overbridge e tusa lea o le pasi mai o Hill Rd i le tea o le lima i le vaveao analeila.
E oo mai i le ‘afa o le ono i le taeao nei ua faailoa mai e le google maps afai e te malaga mo se faataitaiga mai Drury i le ogatotonu o Aukilani, o le umi pe ā ma le itula ma le 25 minute.
E oo ane i le toe kuata i le 8 i le taeao ua tau faaitiitia mai le poloka ma ua faailoa e le NZ Transport ua mae’a ona kilia le vaega na tupu ai le faalavelave ae o loo tumau pea le lapataiga i tagata femalagaa’i i le faatuai o faigamalaga i lea faaitu.
E le o ta’ua mai se soifua o aafia i lenei faalavelave tau taavale.
