E fai si tele o vaega o Aukilani na manaomia ane ai le fesoasoani a le tineimu aemaise auaunaga faavavave i le taeao analeila ona o le loulouā o le tau.

O timuga mamafa i vaega o Aukilani ma le Coromandel na amata mai lava i le po anapo poo le te’a o le 11 ma faifai tetele agai mai i le vaveao.

Fai mai le FENZ poo le Fire and Emrgency e 67 lelei valaau na agai atu iai le auaunaga ona o uiga loulouā ia o le tau ma e faatetele lava i faaitu e pei o St Helliers, Kohimarama, Mt Wellington ma isi vaega o Aukilani i Saute, e mātele foi i taualuga o fale ua liki pe tutulu aemaise nofoaga ua lolovaia.

E lē gata i fale o aiga ae faapea foi i nisi o pisinisi na aafia.

O luga o le facebook ua faailoa ai e nisi ata o aafiaga o o latou vaipanoa mai uiga loulouā o le tau ma o loo iai foi lapataiga o loo faatulaga e le vaaitau i le asō i vaega eseese o le atunuu e aofia ai ma lapataiga i faititili ma le faaauau pea o timuga mamafa.

Puna o Faamatalaga: https://www.newshub.co.nz/home/new-zealand/2024/05/firefighters-respond-to-flooding-in-auckland-as-heavy-downpours-lash-the-north-island.html