E foliga mai e iai tagata Niu Sila toe foi mai ua omai ma pepa faamaonia o tui pepelo tau ina ia faamalieina ai tuutuuga e toe foi mai ai I le atunuu
O le amataga o le tausaga nei lea na amata aloaia ai le tapa o pepa tui faamaonia mai ai sa faia siaki o le Koviti ma e negative mo tagata uma faimalaga mai atunuu I fafo, seia vagana ai le Pasefika ma nisi o atunuu o loo maualalo le lamatia I le vairusi
Peitai, o le toatele o I latou nei e taunuu mai I Niu Sila e ui e omai ma pepa faamaonia e negative siaki na faia, ae sau faaiuga o siaki faia I le toai taunuu mai poo le uluai aso foi, e positive
Ua tautino ai ma Dr Siuxsie Wiles o le Iunivesite o Aukilani e pei ona ripotia e le Herald, o lea ua oo atu ripoti ia te ia I se tasi o pasese taunuu mai na faatau le pepa tui negative pepelo na mafai ai ona faimalaga mai
Ua taua ai e Dr Wiles o se mea lelei tele le faia o siaki I le faatoa taunuu mai, ae o se itu ua maua ai foi le le faamaonia o pepa tui o loo omai ma le toatele
Ao sau ai I faamaumauga a le soifua maloloina le toatele o pasese taunuu mai e faamaonia siaki e faia I le uluai aso e taunuu mai ai, ua saunoa foi le pule sili o le matagaluega, Dr Ashley Bloomfield o lea ua suesueina nei lea mataupu
