O le fesili o loo mataitu e nisi pe faamata o le toe aumaia e le malo o le faiga faavae e faatatau i le tului o mokesi e mafai ona claim pe toe talosaga iai le landlord poo le tagata e ana se fale, pe maua ai se penefiti mo tagata mautotogi, na agiga ananafi i nisi o tusitusiga i le televise tasi.

O le amataga o le vaiaso na folafola ai e le malo le toe aumaia o le faiga faavae lea e mafai ai ona claim e le landlords le interest poo le tului o lana mokesi pe a talosaga mo le tax return.

Na aveese e le faigamalo talu ai a le Leipa ae o lea ua toe aumaia e le Soofaatasi.

Ta’ua e le Palemia i le Aso Lulu, o le gaioiga lea a le malo o le a toe siitia ai le sapalai o fale mautotogi ma o le a faaitiitia ai foi tupe totogi e le tagata mautotogi.

O se faamatalaga ua agai iai finagalo lē fiafia o nisi i le aso ananafi ma ta’ua ai e matuai leai ma se mea e maua poo se faamāmā avega a tagata o loo mautotogi i fale mai lenei suiga.

O loo ta’ua i le lipoti le lagolago e le NZ Property Investors Federation o le finagalo o le Palemia, fai mai o le mataupu lenei o se mea e ao ona tuuina i totonu o le paketi a le tagata lava ia ma silasila iai ma le toto’a.