Ua pa’ū le tulaga o Niu Sila i le faatulagana o atunuu e lē tele ni faigapiopio.
O lea sa tulaga lua Niu Sila i le faatulagana faavaomalo a le 2023 Transparency International Corruption Perception Index, peitai o lea ua see i le tulaga tolu.
O Denmark le atunuu o loo i le tulaga muamua, mauaina ai e 90, sosoo mai iai ma Finland e 87 ae tulaga tolu ai Niu Sila e 85.
O se faanoanoaga e tusa ma saunoaga a le faatonu o le ofisa o sulufaiga, Peter Boshier peitai o le maua pea o le tulaga maualuga o se itu lelei ma afai ae manao pea Niu Sila e toe laalaa i luma, e moomia le faamaoni e faailoa mea uma i le va o tagata lautele ma ona taitai.
E 180 atunuu ma teritori o loo iai i le faatulagana lenei ma o loo fua uma i faigapiopio i le va o faalapotopotoga a le malo ma faiga faatulafono.
