O se suesuega fou ua alia’e i le vaiaso nei e faatatau i tusifolau aupito telē le malosiaga, ua vaaia ai le solosolo i tua o le tusifolau a Niu Sila.
O le suesuega ua faaigoaina the World’s most powerful passports ma e faatulaga ai tusifolau e fua i lona malosi i le itu tau femalagaaiga ma penefiti e maua e le tagata e umia sea tusifolau.
Fai mai la le faatulagana o Niu Sila sa i le tulaga 10 o le lisi o atunuu ma tusifolau, peitai la ua see atu nei i le tulaga 17, o nisi o mafuaaga o loo faailoa i le suesuega, o le tau o le soifuaga i Niu Sila ua matuai maualuga peitai o loo maualuga Niu Sila i le tulaga tau saolotoga, fiafia ma le faaauauina pea o lona atina’eina.
O le lima pito i luga o le lisi lea, o loo muamua ai Siamani, Amerika, Suetena, Tenemaka ma Holani.
