Pe ā ma le 8 pasene lea ua faamauina ua pa’ū ai le tau o le penisini i totonu o le tausaga mo le tele o vaega o Ausetalia se’i vagana Canberra ma Hobart e silia ma le 10 pasene ua atili taugata ai.
Faafetaia e le toatele le faasalalauga i le asō ua pa’ū le tau o le penisini i le tele o vaega o le atunuu ma o se mapusaga mo le au fai taavale.
Fai mai o le pa’ū o le tau ua faatauina ai le penisini i maketi i atunuu i fafo lea foi ua vaaia ai lea suiga lelei i lenei vaiaso.
O le tau o le penisini 91 i le taimi nei ua mātele lava ina i le $1.64 sene i le lita.
Fai mai o loo talotalo le toatele talosia ia faaumiumi ona tumau ai le tau o le penisini i le taimi nei ma ua fautuaina foi le au fai taavale ia faaaogā tatau loa lea avanoa e faatutumu ai taavale manū ua maua foi sia fesoasoani.
