O le a toe faatulaga le sā i ‘avamalosi i le Northern Territory a o faaauau ai pea ona lipotia nisi o soligatulafono mai le faaitu lea o Alice Springs.
O le tulafono fou lea agai i ‘avamalosi o le a faatulaga ai aiaiga ma tuutuuga ua faia i nofoaga ma taulaga i lea faaitu sei vagana ua iai se fuafuaga patino i le puleaina o ‘avamalosi, e mafai ona faamautuina.
O le faipule o le Northern Territory o Malarndir McCarthy ua ia ta’ua e na te taliaina ma le fiafia lenei faaiuga.
Fai mai McCarthy i le tulaga lava ia o le ‘avamalosi, ua manino o se faailo lea o le loloto o le faafitauli ua iai nei i le ogatotonugalemu o Ausetalia ma isi foi vaega o le atunuu.
E tā ua le laasia o totonu o le faafitauli ia silasila ai i le tulaga e ao ona faatino ma galulue faatasi ai ma aiga ma fanau.
O le faaitu lea o Ausetalia sa lipotia mai ai le tele o vesiga a i latou o loo aumau ai ma le faateteleina o le faafitauli i talavou solitulafono faapea foi ma le leai o ni faiga mautu o iai i le tulaga o le tulafono e agai tonu i ituaiga soligatulafono o loo tulai mai ai.
Fai mai le faipule o le taimi nei ua manaomia lava sina gaioiga sei sui ai ma o le tulafono ua faailoa atu nei o se tasi lea o vaega tāua e ao ona ave iai le faamuamua.
