Ua pasia le tulafono fou o le a teuteu ai le auala o loo totogiina atu ai i mātua agavaa peimeni o le child support, ma o le a maua ai le isi faaopoopoga e tusa ma le $20 i le vaiaso.
O lea o loo aoina e le Inland Revenue peimeni nei o le child support ma toe faaaoga e toesea mai ai le tau o le penefiti mo le matua o loo totogi atu iai le penefiti o le sole parent support.
Peitai, o le suiga ua sau ma le tulafono fou ua pasia nei o lea o le a tuusa’o atu e le Inland Revenue peimeni nei o loo ia aoina i mātua ma e le toe tau moomia foi le faatalosaga o le child support ina ia agavaa ai i le penefiti o le sole parent support.
O se suiga ua fai mai ai le sui Palemia o le minisita foi o le Social Development, Carmel Sepuloni o le a manuia ai le tusa ma le 14,000 fanau.
Ae mai le minisita o tupe maua David Parker, o le a taufai tutusa ai mātua nofo toatasi o loo talaina le sole parent support ma isi uma tagata o loo tala penefiti.
O le aso muamua o le masina fou e amata aloaia ai le tulafono fou ua pasia, ae o le uluai peimeni o le a totogi sa’o mai i mātua e faatoa aloaia mai le aso 22 o le masina o Aokuso.
