Ua pasia le uluai faitauga o le pili e toe soloiesea ai le tulafono na aveesea ai aiātatau a tagatanuu Samoa na agavaa i Sitiseni Niu Sila.
O le tausaga e 1982 i lalo o taitaiga a le Palemia o Niu Sila i ia vaitau, Robert Muldoon lea na faalēaogāina ai lea aiātatau mo tagata Samoa na soifua i le va o le 1924 ma le 1949.
O se faiga na toe faalēaogāina ai sitiseni o o tatou tagata ma i le finau a le faipule o le Green o ia foi o loo tu malosi i le toe teuteu o le tulafono, Teanau Tuiono, e lē o ni faiga tutusa ma e lē fetaui ma e tatau ona toe faafoi sitiseni o tagata Samoa na aafia.
O le lauliliuina foi o le pili lenei anapo i le Palemene na faate’ia ai le maota i le agai o le lagolago a le ACT faapea le New Zealand First e lagolago, ma o le iuga o le faitauga muamua e 74 palota na ioe ae 49 e tetee ma e na o le pati a le National le itu e lē o auai i le suiga ua toe lāgā.
E tusa ma le 5000 tagata Samoa na aafia i le suiga o le tulafono.
Puna o Faamatalaga: Bill removing anti-Pasifika law passes first reading (1news.co.nz)
