Ua pasia le faitauga muamua o le tulafono e faatatau i osofaiga e faaoga ai taavale e gaoia ai ni pisinisi ma isi nofoaga, ram raid.
O le Ram Raid offending and Related measures Amendment Bill o le a tuuina ai le malosiaga i leoleo e ave ai i le tulafono le au solitulafono laiti e oo i le tai 12 tausaga le matutua.
O le amataga o le tausaga na folafola mai ai e le Leipa a latou suiga ia e tali atu ai i le faatupulaia pea o lea ituaiga soligatulafono.
Ua pasia nei la lona faitauga muamua lagolagoina le Leipa, National ma le ACT ae tetee iai le pati a le Greens ma le pati a Maoli.
