Ua pasia e le faigamalo a Albanese le pili e faatatau i le tau, climate bill i le maota, lower house o le Palemene ae iai ona teuteuga.
O le pili fou lea ua loka ai le 43 pasene lea e tatau ona faaitiitia mai iai kasa oona e faamatuu atu i le siosiomaga a o le’i oo i le 2030 ma faaauau atu ai i le atili faaitiitia o lea tulaga i le 2050 e pei ona iai le sainigalima o le Paris Agreement.
O le palota i le aso e 89 na ioeina le pili ae 55 na teena. O le lagolago a le Green ma isi sui ua pasia ai le pili ma o le a iai nisi vaega e toe talanoaina e teuteu ai e aofia ai ma le mataupu i pisinisi.
O le masina fou la ua fuafua o le a faaulu ai le pili lea i le senate mo lona faatalanoaina.
