Ua faailoa e le faalapotopotoga mo le puipuia o le siosiomaga o le pasefika, le SPREP e tatau ia Amerika ona ui i le auala masani e aveesea mai ai le latou lagolago mai le faalapotopotoga ina ua mae’a ona faailoa e Trump o loo aofia ai ma le SPREP i totino e 66 o le a agai ese mai ai ona e le o ō gatasi a latou gaioiga ma manaoga o Amerika.
E silia i le 150 le aufaigaluega a le SPREP i Fiti,Atu Solomona, Vanuatu ma le Marshall Islands ma e masani ona o latou faatino polokalame e faaitiitia ai le faaleagaina o le si’osi’omaga aemaise mai aafiaga o uiga o le tau atoa ma isi.
Fai mai la le faatonu ole Sprep, Sefanaia Nawadra pei ona lipotia e le RNZ e iai le auala e ao ona faatino e Amerika e aveese ai lana lagolago ma le avea ai ma sui o le SPREP o le faalapotopotoga e faatupe i le tausaga mai fesoasoani mai ia Ausetalia, Peretania, Niu Sila, Farani faapea ma Amerika.
O Saina foi e masani ona ia faamatuu ane le $200,000 i le tausaga.
Puna o Faamatalaga: https://www.rnz.co.nz/international/pacific-news/583660/pacific-islands-environment-programme-says-us-must-follow-formal-exit-process
