O le asō lea faato’ā toe maimoaina ai totonu o se tasi o malumalu tele i le lalolagi faapea Farani, le Notre Dame ma ua faia ai se tour poo se matamataga a le Peresetene o le atunuu, Emmanuel Macron na pu’eina i le televise ma maimoa atu ai tagata ina ua mae’a le galuega toe faaleleia sa faia iai talu ona faatama’ia i se afi i le lima tausaga talu ai.
O le faamoemoe e toe tatala ai faitoto’a o le malumalu i le aso 7 o Tesema ma le ulua’i misasā e faataunuuina ai i le aso 8.
O le tele o finagalo faaalia o tagata e aumau ai i Paris e uiga i le galuega sa toe faia iai ua faailoa ai e tulaga ese le matagofie o le galuega.
O le aso 15 o Aperila 2019 na maimoa ai le lalolagi i luga o upega tafa’ilagi ma televise i le sasao ane o le afi ma e silia ma le 600 fuimu na galulue ai i le tau tapeina o le afi.
Puna o Faamatalaga: https://www.bbc.com/news/articles/c937r4k5rvno
