I le mae’a ai o le palota lē faatuatuaina sa faia faasaga i le Palemia o Papua Niu Kini, James Marape i le masina na te’a nei, ua valaau nei le Transparency International Papua New Guinea poo le (TIPNG) i le Palemia ina ia faia se gaioiga faasaga i faiga lē amiotonu poo le corruption.
O le ta’ita’ifono o le totino lea o Peter Aitsi ua ia ta’ua ua mae’a le tuana’i ma o se avanoa lelei lea mo le Palemia e faia ai se gaioiga i le mataupu lea a o le’i oo mai le isi faigapalota.
Na ta’ua e Aitsi i le RNZ e toe 18 masina faia le palota a le atunuu ma ua alagatatau loa i le Palemia ona gaioi.
Fai mai a ia afai e faamaoni le Palemia i ana faamatalaga e faatatau i le tetee atu i faiga amiolētonu, o le taimi tonu lava la lenei e gaioi ai.
Na fesiligia e le RNZ le alii o Aitsi poo le ā tonu se gaioiga o mana’omia ona faatino e le Palemia e faatatau i faiga lē amiotonu, ae na tali Aitsi o le isi gaioiga o le aveesea mai o minisita e lē o faatinoina lelei a latou galuega ma e tatau ona toa le Palemia i le faatinoina o lea gaioiga.
Puna o Faamatalaga: https://www.rnz.co.nz/international/pacific-news/560068/transparency-png-says-now-s-the-time-for-marape-to-act
