Ua aveesea uma le auaunaga a le Starlink mai Papua Niu Kini a o tau faamautū ai pea fuafuaga a lea malo i le matāupu e faatatau i le laiseneina o auaunaga.
Fai mai le RNZ o le Aso Tofi talu ai na folafola ai e le NICTA le National Information and Communication Technology Authority ua faatonuina le kamupani a le SpaceX ia faamuta uma auaunaga tau satelite i totonu o Papua Niu Kini.
E lē o iai se laisene e faagaioia ai le Starlink i Papua Niu Kini ae ua ta’ua i le lipoti ua maitauina pea e le NICTA le faaauau pea ona aveina atu o sapalai o masini ma le faaaogāina o isi vaega o le Starlink i le atunuu i masina ua tuana’i atu.
Ua folafola mai ai loa la e le Malo o soo se tagata poo se pisinisi e maua o loo faatino lea tulaga ua solia le tulafono ma e ono iai se faasalaga e tuuina iai.
Fai mai le NICTA e lata i le 200 tagata ua saini i le petition poo le talosaga e mafai ai ona faatino le auaunaga a le Starlink i le atunuu ma e lē o fia tali le minisita o Fela’ua’iga a Papua i le matāupu lea i le taimi nei o loo i luma o le faamasinoga.
Puna o Faamatalaga: https://www.rnz.co.nz/international/pacific-news/582834/starlink-withdraws-satellite-services-from-papua-new-guinea
