E iai le tagata na aveina atu i le falemai i le vaveao analeila ina ua faaoolima iai se tasi i Aukilani i Saute ma ua faailoa e le Newshub e tigaina manu’aga o lea tagata.

Na tali ane leoleo ma le aufaigaluega a le taavale a le falemai i le valaau mo se fesoasoani i le mataupu lea i Station Rd i Otahuhu poo le tea o le tasi i le vaveao.

Fai mai na aveina atu lē ua faamanu’alia i le falemai ae o le faamatalaga mai se pepa a leoleo ua faailoa ai o loo feta’ua’ina o lē sa faatinoina le soliulafono lea o le faaoolima i lē ua aafia, na sola ese mai lea nofoaga ae na toe maua e leoleo i se taimi mulimuli ane ma pueina ai loa. 

Fai mai leoleo o le taimi nei o loo faaauau pea suesuega.