O le vaveao analeila lea e lipotia mai na osofaia ai foi se pamu penisini i Aukilani i Saute ma o le tulaga lava lea ua maitauina i lenei vaitau, ua avea le tele o pamu penisini i Aukilani ma taulaiga o osofaiga a le augaoi aemaise lava i totonu o le lua vaiaso talu ai.
O le asō la ua osofaia ai le pamu a le Mobil i Grove Rd i Papakura, osofaia e ni alii se toafā i le tea o le 1 i le vaveao. Na agai atu i se taavale, faaleaga se faamalama o le pamu ma ulufale ai.
Fai mai le sooupu o le taavale lea na agai atu ai o se taavale gaoi na maua ua tia’i i se nofoaga e lē mamao ese ma e lei iai se tasi ua pueina i lenei faalavelave.
O le taimi nei o loo faia pea suesuega ae talu mai le aso 3 o le masina lenei ua faamauina osofaiga i pamu penisini i Western Springs, Manurewa, Green Bay ma Mangere Bridge faapea foi gaoiga i Papatoetoe, Gled Eden ma Remuera.
