O lea mataupu na faailoa mai e le sui komesina o leoleo Papalii Monalisa Tia’i Keti na tulai mai i le po o le Aso Faraile o le vaiaso na tea nei.
I lipoti a leoleo e faapea na faasuāavā lē na aafia, ma o i na ia lafo ai ni upu masoā i lē na faatinoa le soligatulafono.
Ta’ua e le sui komesina o loo iai foi le faamoemoe e ono molia ai lē na aafia ona o lona faatupua o le vevesi i le va o le isi tagata aemaise o nofoaga faitele.
Faailoa mai e Papalii, ua mae’a faatalanoa lē o loo tuua’ia.
Faailoa foi e le sui komesina le faatupulaia pea o faalavelave e tulai mai i nofoaga faitele ma o se tulaga e atugalu ai le Matagaluega ona o loo tapena mo le fonotaga a taitai o Malo o le Taupulega lea o le a talimalo ai Samoa.
Ta’ua e Papalii e ono molia lea taulealea i moliaga o le faaoo manu’a ma le umia o se aupega ma’ai.
