Pe o le ‘afa o le 10 i le po o le Aso Sa a o tofafa si aiga, o le ulugalii ma le la fanau e toalua e laiti i lo latou fale i Panania ae ulufale loa ni tagata e osofai lo latou fale, fai mai sa faaaupegaina i ni fana ma se agaese, na o latou osofaia le tamā ma lona toalua ma sosola ese ai ma meatotino a si aiga.

E oo mai i le taimi nei e lei maua ae ua faamatala e le 7News na fosi le latou ulufale atu i le fale o si aiga ma sosola ese ai ma filifili auro ma jewelleries a le aiga e pei ona faamaonia mai e leoleo i NSW. 

O le tamā o le aiga e 57 tausaga na togafitia ai i lea nofoaga e paramedics ma aveina ai i le falemai i Bankstown o loo faatalia iai se lipoti.

O loo ua faagasolo suesuega a leoleo i le fale o le aiga ma le mea na tupu.

O loo ta’ua e le 7News ua talosaga leoleo i le lautele o soo se isi e silafia se faamatalaga i le faalavelave ia fesootai ane i le Crimestoppers.