E oo mai i le taimi nei o loo faatino pea galuega a leoleo ma le ausuesue i le faalavelave na tulai mai i le taeao analeila i Sini nei na poloka ai femalagaa’iga masani i lenei aso faigaluega ina ua oso se taavale i luga o le auala o le train latalata i Auburn.
Fai mai lipoti o le taavale na agai ane i le vaega o iai le kapaka ma iu ai ina oo ane i le vaega lea o le auala o le train i le 20 minute e tea ai le 9 i le taeao analeila.
E na o le alii avetaavale sa iai i totonu o le taavale ma e feololo manu’aga e pei ona faailoa e leoleo.
Na fautuaina ai e le Transport NSW le atunuu femalagai i trains ia silafia le faatuai i galuega ma aoga i le asō i le agai atu i le faaitu lea ona o lea faaletonu.
O loo galulue le aufaigaluega i le aveesea mai o le taavale ma e tele vaega o auaunaga a le train o loo aafia ai ona o le faaletonu lea ae leiloa pe mafua i se ā pe ua moe le avetaavale pe iai se isi mafuaaga, o loo suesue nei e leoleo lea tulaga.
