Ua avea nei le faasalaga 6 tausaga ma le 6 masina i le falepuipui o Seira Malifa, ma faasalaga pito maualuga i faasalaga o solitulafono o le gaoi a o avea ma tagata faigaluega (theft as a servant) i totonu o Samoa.

E tusa ma le tasi le miliona ma le lua selau afe tala ($1.2miliona) na toesea mai le faletupe o le ANZ i Apia i se gaioiga solitulafono na faatino e lē ua faasala e le Faamasinoga Maualuga a le atunuu.

O le tausaga e 2015 na amata galue ai Seira i le faletupe ae o le tausaga e 2019 na avea ai ma pule o le vaega o nonogatupe i le nofoaga autu o le ANZ Bank i Apia.

O le va o le tausaga e 2019 ma le 2022 na faatino ai le solitulafono ma iu atu i le galuega a leoleo lea na molia ai lea tagata faigaluega ma ia ioeina ai i le faamasinoga moliaga e 306.