Ua ta’ua i lipoti mai le leitio faavaomalo a Niu Sila e lē o ano ane tagata faigaluega i le mataupu e aofia ai le faipule o le Green o Darleen Tana, pe faamavae pe leai ma le Palemene ae pau le tulaga o loo latou tulituliloa o o latou totogi ia maua.
Fai mai le lipoti o le tagata e suafa ia Nathan Santesso o loo finau mo isi tagata e toalua sa faigaluega i le Bikes and Beyond le kamupani a le toalua o Tana, ua mae’a ona ia faila faaseā i le Employment Relations Authority.
Fai mai a ia ua maua se mapusaga o nai alii faigaluega e toalua ina ua atagia i le lipoti o le suesuega na faatino, mea sa la faamatalaina, fai mai le toalua lea e lē o iai so la popole i le lumanai o Tana i le Palemene, pau lava le itu ia totogi i laua.
E lei faamavae le faipule mai le Palemene i le taimi o le lipoti lenei ae ua faailoa i nisi lipoti sana faamatalaga e na te lē o taliaina le faai’uga o le lipoti ma e talitonu e lē o tonu le faailoaina o lona aafia ai i le pisinisi a lona toalua, o loo faatalitali la poo le ā le isi gaioiga o le a sosoo ai mai le tamaitai faipule e tusa o lenei mataupu.
Puna o Faamatalaga: https://www.rnz.co.nz/news/political/521619/darleen-tana-resignation-workers-say-they-just-want-their-wages
