Ua mautinoa o le alii o Rob Penney lea o le a suitulaga ia Scott Robertson o le faiaoaa ulu o le Crusaders i sana konekarate e lua tausaga.
Ua 59 tausaga o le soifua o Penney ma ua toe foi ane i le Crusaders i le mae’a o le 18 tausaga sa avea ai ma faiaoga lagolago ia Robbie Deans.
Tele isi kalapu sa galue ai Penney e le gata i Aialani, Iapani ae faapea foi Ausetalia i le vaega lava o le Super Rugby.
Na faailoa e le taitaifono o le Fono Faatonu a le Crusaders o Grant Jarrold ua silasila i agavaa faataitai ma le tomai o Penney ma e tele foi lona silafia i le lakapi a Canterbury auā ua fā NPC titles ua ia manumaloina i Canterbury a o avea ma faiaoga i le 2006-2011 ae sa umi foi se taimi sa taalo ai i le taaloga.
O loo iai nei le faiaoga faaolioli faatasi ma le ‘au i lalo o le 20 tausaga a Iapani i le taamilosaga o le Ipu o le lalolagi o loo faia i Aferika i Saute.
Ua afua ona sailia se isi faiaoga a Canterbury ona o lea ua sauni le alii o Scott Robertson mo lona tofiga fou e avea ai ma faiaoga o le All Blacks pe a mae’a le Ipu o le lalolagi.
