O le sese o faailoilo na mafua ai ona tulai mai le faalavelave i Initia ua maliliu ai le silia ma le 300 tagata ae manunu’a le faitau selau o le pasese a le train.
O le faamaoniga lea mai le minisita o femalagaiga a Initia ananafi a o faasolo pea suesuega i le faalavelave na tulai mai i le po o le Aso Faraile talu ai i Sasae o Initia.
I le lipoti a se tasi o ofisa faasalalau i Initia e tusa ma suesuega amata o lea sa iai le faailoilo mo le train a le Coromandel Express e alu agai i le main track peitai na toe sui mulimuli ma sese ai le auala train na agai ai ma o le mafuaaga lea o le feto’ai o le train o loo ave ai le pasese ma le train e fela’ua’i ai uta o loo paka.
O Initia e silia ma le 12 miliona ona tagata e faaaogaina auaunaga a trains e 14,000 i totonu o le aso e tasi ma o le tele o faalavelave tau train e lipotia mai lea atunuu o le mafuaaga lava lea e tasi e pei ona toe tupu i le faalavelave o loo suesue pea nei.
