Afai ae oo atu i le Aso Sa o muamua e le’i maua lava se maliega i le va o le faigamalo a NSW ma le Iuni o loo tula’i mo le aufaigaluega a trains, tram ma pasi, o le a ono vaaia ni solo tetee i Sini.

Na fesiligia e le autusitala le Premier o le setete, Chris Minns pe o le a iai ni trains e feoa’i i le Aso Faraile nei ae le’i iai sana tali na tuuina ane sa’o i le faafesili.

Fai mai a ia e faigatā ia te ia ona aumai se tali sa’o ona na te lē o iloa poo afea e maua ai se tasi o le mataupu.

Fai mai le Iuni e lē o iai sa latou fuafuaga mo se solo tetee i le faai’uga o le vaiaso.

O le mataupu ua lāgā ai ma ni faitioga mai le itu agai, fai mai a latou ua matua’i gasu mea uma i fesoota’iga i trains i lalo o le faigamalo a Minns ma o latou fesiligia ai poo ai o loo faatonutonuina lenei mataupu.

Sa talosaga le Iuni mo le 24 itula o auaunaga a trains ae o loo ua faatuai foi feutana’iga i le mataupu i totogi.

Na faailoa la i nisi finagalo o sui o le iuni e i’u ina vaavaai i nisi gaioiga e faia pe afai e oo atu lava i le Aso Sa e le’i maua se tonu o le mataupu.

Puna o Faamatalaga: https://www.9news.com.au/national/sydney-could-see-train-strike-if-deal-isnt-reached-this-week/30317805-ca6c-4c31-a00d-3897cd4cfb8d