Ua faalauiloa e le Pharmac i le asō le latou faaiuga o le a o latou faatupeina nisi fualaau e lua mo togafitiga o le kanesa o le māmā ma le isi fualaau mo le togafitia o le cystic fibrosis e amata atu i le masina fou.
Fai mai le faatonu o le Pharmac, Lisa Williams o le kanesa o le māmā o loo faamauina o le mafuaaga taatele lea o soifua ma’umau i Niu Sila mai lenei faamai o le kanesa, ma o se fiafiaga foi mo latou le mafai ona o latou fesoasoani i le taumafaiga o se vaifofo mo lea gasegase.
Ua faailoa foi o le faaiuga ua o latou faia e le taumate o le a aupito telē sona aoga i e ua aafia i lenei gasegase ma o latou aiga, ma o le latou faamoemoega lea ina ia faaitiitia pa pupuni e taofia ai tagata mai le mauaina o se fesoasoani i togafitiga o gasegase o loo aafia ai.
O le masina fou la e amata aloaia ai lea faaiuga ua faia.
