Ua tele matematega ma petipetiga i le iuga o le a iai le taaloga i le asō i le va o le Warriors ma le South Sydney Rabbitohs i Mt Smart.
O le taamilosaga 18 lea o le Taamilosaga liki a le NRL ma o loo tulaga 6 le Warriors i le taimi nei ma le Rabbitohs i le tulaga 5 o lona uiga o le a tau fai sailia ni o la tulaga i le top 4 poo le fa pito i luga o le taamilosaga.
Afai ae faamanuiaina le Warriors o le a atoa ai le fā sosoo o ana malo ae manatu le toatele o lea faatoa toe oo le ‘au i se tulaga lelei faatusa i isi taamilosaga ua tuanai, ae manatu nisi o se taimi lelei foi o le a fetaui ai le Warriors ma le Rabbitohs e penefiti ai le Warriors ona e le o iloga lava ona tulaga lelei mai le Lapiki.
E ui i uiga loulouā o le tau i Aukilani i le asō ae ua lipotia ua sold out tickets o le taaloga e amata i le 8 i le afiafi taimi Niu Sila.
