E silia i le 3,000 tagata mai teritori o Amerika i le Pasefika, ua o latou sainia nei se talosaga poo le petition e tete’e atu ai i le deep sea mining poo le eliina o le alititai i ogasami lata i le Mariana Islands ma Amerika Samoa ona o popolega i aafiaga i le si’osi’omaga ma le leai o se leo o tagata lautele i faiga filifiliga.
I se tusi ua tuuina atu i le faipule o Guam o Therese Terlaje ua faailoa ai e i latou ua saini i le petition, ua faatino lava e le faigamalo fuafuaga faatatau i le eliina ole alititai e aunoa ma se maliega mai tagata o loo nofoia ia eleele ma o le a tele atu le aafiaga i ia tulaga.
O loo finau ai tagata o le pasefika e faalagolago i le sami mo le fofoga taumafa ma o le a matuai afaina le sami pe a fa’aauau pea lea fuafuaga.
O le aso 12 la o le masina nei e faamuta ai le tuuina o saini e lagolago ai i lea talosaga ao lei tuuina atu i le faigamalo.
Puna o Faamatalaga: https://www.rnz.co.nz/international/pacific-news/583276/petition-against-deep-sea-mining-near-mariana-trench-gaining-support
