Ua faaopoopo le puipuiga i Niu Kaletonia ina ua toe tolopō talanoaga sa fuafua e faatatau i matāupu faapolokiki a le atunuu aemaise le atoaga o le tausaga talu ona tula’i mai vevesi i totonu o le atunuu i le tausaga talu ai.
Ua folafola e le Hai Komesina o Farani i Noumea e amata atu i le asō ona faasā le faia o ni savali faalaua’itele i Noumea se’ia oo i le Aso Faraile, ua faaitiitia foi ma le aofa’i o a’upega e faatau atu auā lava le puipuia o le soifua o tagata lautele.
O loo ta’ua foi le faaaogāina o drones ma isi faiga faatekonolosi e vaavaai ai le faatumauina o le filemu i le atunuu pe a mana’omia.
Fai mai a latou o feagai ma ia tapenaga ua faia gaioiga uma ia faamautinoa e aua ne’i toe tula’i mai le tulaga na iai le atunuu i vevesi o le tausaga talu ai, ma ua faaopoopo foi le aofa’i o leoleo mo le leoina o le filemu.
O le matāupu lava e aofia ai ma tulaga i upufai o le atunuu ma lona tuto’atasi o loo mafua ai feutana’iga sa faatulaga mo le vaiaso nei.
Puna o Faamatalaga: https://www.rnz.co.nz/international/pacific-news/560689/new-caledonia-tightens-security-following-aborted-political-talks-ahead-of-riots-first-anniversary
