Ua sainia nei se maliega i le va o Ausetalia ma le atunuu o Nauru e ofoina atu ai le $100 miliona Ausetalia i totonu o le 5 tausaga e fesoasoani ai i le tala o le tupe a lea atunuu.
O se faamatalaga lea mai le Palemia o Ausetalia Anthony Albanese i le vaiaso nei ma sainia ai le maliega e la’ua ma le Peresetene o Nauru o David Adeang i Canberra.
Fai mai le malo o Ausetalia o le maliega lea Nauru-Australian Treaty e fausia ai se faavae loloto i le mafutaga a atunuu e lua ma faamautū ai le tulaga tau le tamaoaiga o Nauru.
O le a ofoina ai foi ma le auaunaga a le faletupe o le Commonwealth a Ausetalia i Nauru ma o le faamoemoe autū ia faamalosia le tamaoaiga o Nauru aemaise foi le tulaga tau le puipuiga.
Puna o Faamatalaga: https://www.rnz.co.nz/international/pacific-news/536129/australia-to-provide-nauru-us-64-million-in-direct-budget-support-albanese
