Sa motusia fesootaiga a auaunaga a le Meta mo nai itula i le taeao nei.
O auaunaga nei e iai le Facebook, Instagram, Thread ma le Messenger.
Ua lipotia o lea na poloka le login e mafai ai ona faaaogā Facebook accounts, ae mamau le Instagram.
E leai se aafiaga o le WhatsApp lea foi e onaina e le Meta.
Mai ia Andy Stone o le faaulu o fesootaiga a le Meta i luga o le X lea sa ta’ua o le Twitter, na vave ona toe faaleleia le auaunaga ma ua faatoese i paaga na aafia ai i le taeao nei.
I luga o le social media, e toatele tagata mai soo se tafa o le lalolagi na faaalia le motusia o le Facebook ma le Instagram, faatasi ai ma nisi o auaunaga i luga o le Google.
Pe ā ma le lua itula lea na motusia ai, ma e pau lipoti ua oo mai i le taimi e tuufaatasia ai tala fou na mafua i nisi o fesootaiga tau tekonolosi.
