Sa motusia fesootaiga e ola ai masini EFTPOS ananafi, ma na aafia ai le tele o pisinisi.
Ua māua e tala fou ananafi e iai pisinisi e tapuni ane lava e lei toe ola, ae e iai foi faleoloa na toe mafai ona faaleleia i le aoauli.
O le lē mafai ona faia o peimeni e faaaoga ai EFTPOS e le na o Niu Sila, ma o lea na motusia foi i isi atunu o le lalolagi.
I se faamatalaga mai le pulega a le Windcave lea o loo sau ai lea auaunaga na amata suesue mai i le itula e 9 i le taeao ananafi poo le a le mafuaaga.
Ua māua e tala fou o le tele o pisinisi i totonu o le Sylvia Park i Aukilani na aafia i le aso ananafi, ae i lipoti a le Herald e faapea foi le Warehouse i Westgate, Briscoes, supamaketi a le Countdown, o nofoaga o pakaga a taavale, faapea le tele o faleoloa laiti.
I luga o le social media, toatele na le fiafia ona o le umi na faatali ae uma ane e lei mafai ona totogi faatau.
Mai le Windcave poo le itula e 2 i le aoauli na toe sau ai le tala ua faaleleia Eftpos mo peimeni, peitai o loo māua e tala fou e le o pisinisi uma.
