I saunoaga faalauaitele lava o le palota i le faaiuga o le vaiaso, ua fai mai le ACT latou se faia le saolotoga e mafai ai lava ona filifili le kamuta e lē tau faatalosagaina se building consent o le galuega o le fale, pe a tu mai.

I le saunoaga a le taitai ia David Seymour ma ua fai mai ai foi o le a ia toe oosia ese le Natural and Built Environment Act lea ua suitulaga i le Resource Management Act lea na aloaia i le masina talu ai ma le mafuaaga e lē toe moomia nisi igoa faigata, o le mea e moomia o le mautinoa o loo saogalemu fale ma e le o aafia ai le aiga tuaoi.

O fuafuaga faataatitia nei a le pati a le ACT ma o se faiga se’i fesoasoani e le gata ia faaopoopo ai le fuainumera o fale i le maketi ae ia vave ai foi le fauina o fale.

O le lē toe iai o ni building consent ua fai mai le taitai o le a aveesea ai foi le isi tupe alu.

I suesuega a le ACT ua fai mai ai e moomia le fau o le tusa ma le 51,000 fale mo aiga i totonu o le tausaga mo le isi lima tausaga pe a fua i le tele o le manao o loo iai nei i le maketi, ma ua moomia vave.