O le limulimua ma le pologā o le fale o le malo na faamautu ai se tasi o ulugalii laiti i Aukilani, ua mafua ai ona nonofo ma le la pepe faatoa fanau i totonu o le taavale.
Na lipotia e le leitio a Niu Sila o le ulugalii lenei sa nonofo i fale o loo totogi e le malo e faatali ai se fale mautu i Papakura, ma o le maua ai o le pepe fou na aumai ai loa faanonofo i le transitional housing poo le isi foi fale a le malo i Magele e faatali ai se fale.
E molimau le tina o le pepe, 19 tausaga, o le uma ai ona saini o le tenancy agreement ma taunuu atu i le fale, e fai o le palapalā ae o le lē fetaui mo le pepe fou.
O le fale i Magele o loo i lalo o pulega a le Monte Cecilia Housing Trust lea e onaina units ta’ilua potumoe e 30 ma e mafai ona malu ai le tusa ma le 120 aiga.
Ua ta’ua ai i lipoti o lea na taumafai le ulugalii e fesootai i le faipule faapea le matagaluega a le Social Development, ma a o faatali ai, e sili ai totonu o le la taavale.
