O se tamaitai lea ua molia nei ile maliu o se alii na lafoai I fafo ane o se nofoaga faafomai i Takanini ile masina na tea nei. O Rangiwhero Toia Ngaronoa e 22 tausaga na tuuina ma ni manuaga tuga ile aso 21 o Novema ma maliu ai lava mulimuli ane ile falemai I Middleemore.

Taua e lipoti mai le Newstalk o se pepa o faamatalaga mai leoleo ua taua ai o le tamaitai e 23 tausaga ua pueina e leoleo ma molia ile mataupu lea ua maliu ai sia alii mai Gisbourne. O loo fuafua e tulai I luma o le faamasinoga faaitumalo i Manukau e tali I ona moliaga. O le moliaga o le fasioti tagata.

O loo faaauau pea foi suesuega I lenei mataupu.