Ua molia e leoleo se alii i le ave taavale faatamala na mafua ai le maliu o se tamā e toafitu ona alo, i se faalavelave na tulai mai i le motu i Savaii i le tu lalata atu i le faailogaina o le Eseta i le vaiaso na tea nei.
Ua faailoa e leoleo i se lipoti o lē ua maliu sa tu i tua o se pikiapu sa ave ai se uta o apa ato fale, ae ina ua toulu ese nisi o apa mai le taavale na mafua ai loa ona palasi ese ma le taavale lē ua fano le soifua.
O loo faagasolo suesuega a leoleo i le faalavelave lenei e faapea na tupu i se vaega o le alatele i le nuu o Faga.
E 40 tausaga le matua o le soifua o lē ua maliu.
